Shankaracharya Brahmananda
| 13 › 4 › 1 |
 |
 |
 |
 |
 |
 |
 |
 |
 |
 |
| Sri Shankaracharya Brahmananda Sarawati Ji |
Innleiande
På den første pressekonferansen si i USA, 29. April 1959, fortalde Maharishi Mahesh Yogi om det åndelege føremålet sitt, å regenerere heile verda, og la til:
Livet mitt begynte i sanning ved føtene til meisteren min då eg fekk lære løyndommen med kjapp og djup meditasjon. Det er ein løyndom som eg no gjer verda kjent med.
 |
| Den vakna kjenner denne verda er som å halda sure svineplommer i handa - [2] |
Maharishi seier også, "Like frå starten var heile formålet berre å puste inn pusten hans. Det var idealet mitt." Guruen hans var Swami Brahmananda Saraswati, og dei møttes då Maharishi var tjuetre. Eitt blikk på det glødande, rolege andletet til Swami Brahmananda trollbatt den unge mannen med det same. Swami Brahmananda insisterte på at før han godtok Mahesh som disippel, skulle Mahesh fullføre universitetsstudia og få lov av foreldra sine før han slutta seg til Brahmananda.
Den første april 1941 blei den høgakta Brahmananda Shankaracharya overhovud for Jyotir Math, Badrikashram, Himalaya, og var sia kjent som Jagadguru Shrimad Swami Brahmananda Saraswati Maharaj Ji. I TM-krinsar blir han omtala som Gurudev eller Guru Dev.
Ei historie frå opplæringstida
 |
| Swami Krishnananda Saraswati (detalj) |
ETTER å a fullført studiet av Hinduskrifter og oppdaga sanninga om sitt inste vesen, følgde den tjuefem år gamle Brahmananda guruen sin, Krishnananda. Dei heldt seg i ein månads tid i den hyggelege vesla landsbyen Kajliwan nær Rishikesh. Dei blei varmt mottekne.
Blant dei som stimla saman for å få eit signande kikk på dei, var ein mjølkemann av prestekasten. Han pla by mjølk til dei heilage som vitja staden. Brahmananda ordna det slik med mannen at han leverte dei ein halv liter mjølk dagleg, og Brahmananda kokte og serverte den for guruen sin kvar kveld. Men ein dag sa kona til mjølkemannen: "Kua har gitt svært lite mjølk i dag. Det blir ikkje ein gong nok til barna."
Mannen hennar tok ikkje omsyn til henne og leverte som vanleg ein halv liter til dei vørde gjestane. Men då Brahmananda varma opp mjølka og serverte den for meisteren sin, sa meisteren: "Det er ve i mjølka i dag. Eg kjem ikkje til å drikke den. Ver snill og lever den attende til mjølkemannen og be han slutte å gi oss."
Brahmananda gjorde det. Så, etter ein halv månads tid, døydde sonen til mjølkemannen. Heile staden frykta at Krishnananda hadde blitt misnøgd med mjølkemannen, som derfor hadde mist sonen sin. Då han hørte dette, sa Krishnananda til Brahmananda, "Når folka her tek liket av guten til kremeringsstaden, så be dei sende bod på meg før dei lagar bålet å brenne han på."
Slik skjedde det også. Liket blei lagt på bakken og Krishnananda kom til staden. Han sparka blidt til det livlause hovudet med foten sin, og sa: "Korfor søv du så mykje?"
Og så kom guten seg på føtene.
Etterpå sa Krishnananda til Brahmananda då dei kom til hytta si på staden: "Det er betre å dra frå denne staden med det same, før alle dei døde her tek til å mase på oss for å få liv!" Og med det tok han i veg. [Gitt att frå The Whole Thing - The Real Thing [Lenkje ]
Han skulle skunde seg attende
For mange år sia sende Brahmananda disippelen sin, Maharishi (Mahesh), av stad i eit ærend oppi fjella. Maharishi skulle springe til ein stad høgt oppe og langt vekk - truleg til Tapoban. Der skulle han levere ein bodskap til ein heilagmann som budde der. Då Maharishi kom fram, andpusten og utmatta, venta han på svaret. Heilagmannen las beskjeden, og bad Maharishi vende attende fort til guruen sin.
Mange gonger blei Maharishi sendt av stad i slike ærend. Men ein gong snåva og fall han i farten. Etter å ha børsta av seg støvet, bøygde han seg ned for å ta opp att den dyrebare beskjeden frå guruen sin. Men seglet hadde blitt brote i fallet, og han kunne ikkje halde seg. Han las: "Ver god å fortelje denne eleven under opplæring at han skal vende tilbake straks."
Shankaracharyaen var oftast høgtidsstemt, men stundom smilte han strålande og synte livleg sans for moro og lystigheit - ein heller gåtefull kombinasjon for somme -
 |
| Guru Dev |
Etter ønske frå Brahmananda blei den nære disippelen hans, Sri Swami Shantanand Saraswati Ji Maharaj, innsett som etterfølgjaren hans på Shankaracharya-trona den 12. juni 1953. Og Mahesh gjekk inn for lange økter i djup stille ved Gyan Mandir i Rishikesh. I ei hole der "er det ro. Ingen lyd. Svalt om sommaren. Varmt om vinteren".
Han kom seinare fram for å breie ut TM-teknikken og det som følgde. Han sa om guruen si kjernelære, "Den åndelege læra hans er enkelt og klår og går like heim til hjertet". Det som følgjer, søkjer å formidle noko rundt og attåt den svært hendige meditasjonsmetoden etter Brahmananda. Av dei mest kjente meditasjonsmetodane er TM den det er forska mest på, og ikkje utan grunn, som det viser seg. [Lenkjer]
Utdrag av læra til Brahmananda
Ver varsam og lær å nytte lykke og sæle bra nok
 |
| Shankaracharya Brahmananda Saraswati |
EIN burde støtt vere varsam så inga synd skjer, så ein ikkje beklagar seg når døden kjem. [Brahmananda, modifisert]
Å konsentrere seg om det ikkje-framviste (umanifesterte) er ikkje mogeleg. [Brahmananda]
Ha bagasjen pakka og klar. [Brahmananda] (Tyding: La ikke døden finne deg ubudd.)
Vær omhyggeleg og varsam.*
Når hugen sannar Gud, blir den varig etablert der og ønskjer ikkje andre ting. [Brahmananda]
JAMVEL berre litt av [Guds] nåde kan gi sjela (jiva) alt som er godt, og til fulle. [Brahmananda] ◊
Hug blir alltid med deg. Sjølv på hi sida. Så knyt hugen til Evig Eksistens som er i både levande og døde ting, og er den eineste varige eininga, og den høagste. Bind hugen din til Han. [Brahmananda, lett modifisert]
Lær å gjere full bruk av menneskekroppen. Ein burde ikkje sløse vekk denne sjansen. [Med Brahmananda]
[Den figurative] fyrsten vil leve i sæle. [Brahmananda]
Ein burde vere heldig nok til å gjere lønnsame forretningar. [Brahmananda]
Det finst tre slags vern og tenester: Det høgaste er som ei landskjelpadde; den mellomste er som fiskar; og det lågaste er som fuglar.
Skjelpadda beheld ikkje egga sine nær seg. Fisken kjem ikkje nær egga sine. Fuglen vernar egga sine ved støtt å sitje på dei.
På landskjelpaddemåten hjelper den store åndelege guruen, vernar og fører den oppriktige disippelen sin ved konsentrasjon på og observasjon av korleis disippelen oppfører seg.
 |
Lotm: Mahesh, Maharishi Livskunst og transcendental meditasjon. Ny utg. Oslo: Miki, 1979.
Mm: Roth, Robert. Maharishi Mahesh Yogis TM: Transcendental Meditasjon. Rev. utg. Mesnali: MIKI, 1998. - Svært god bok om TM. Finst på Nettet på engelsk (lenkje nedafor).
Nokre ordforklaringar
[1]
Swami: bokstaveleg: "eitt med Sjølvet", nemning for ein Hindu munk.
Brahmananda: Munkenamn som tyder Guds (Brahmans) + glede og sæle (ananda).
Saraswati (naturvisdom): ei grein av ti innan munkeordenen frå Shankara (kanskje 788-820). Mellom dei ti finn vi giri (fjell), sagar (hav), bharati (land), aranya (skog) og puri (trakt). Namnet på greina kjem etter munkenamnet.
Shankaracharya: Shankara-lærar (-undervisar), tittelen til overhovud for fire hovudsete (maths) i Advaita Vedanta-tradisjonen i Hinduismen.
[2]
Svineplommer (art: Spondias mombin) blir dyrka for dei etande, plommeliknande fruktene. Den store steinen i kvar frukt har mange piggar og er vanskeleg til å skilje frå fruktkjøtet.
Lenkjer
- Guru Dev: Life and Teachings of Shankaracharya Swami Brahmananda Saraswati Stoff på Nettet, samla av Paul Mason
- David Orme-Johnsen. The Truth about TM - Tek fram omfattande forskingsresultat.
- Paul Masons Maharishi-biografi - med noko om Brahmananda og meir frå historia til TM-utbreiinga. (På Nettet på Engelsk)
- Brahmananda Saraswati (Wikipedia)
- Robert Roth. Maharishi Mahesh Yogi's TM: Transcendental Meditation. Rev ed. Viking, 1994 - Fin bok om TM på Nettet. Finst på norsk i bokform.
- Transcendental Meditasjon (norsk)
- Transcendental Meditasjon (Wikipedia)
- Maharishi (Wikipedia)
Takk
Mange takk til Paul Mason for løyve til å bruke bileta av Guru Dev. Paul er mannen bak boka Maharishi Mahesh Yogi: Biografien av mannen som gav verda Transcendental Meditasjon [Lenkje].
 |
 |
 |
 |
BRUK. Brukargaiden femner over forkortingar, bøker ordna etter forfattarar og bokstavkodar, ordbøker, design og navigering på nettstaden, søkjeråd, og tilvisingar. [LENKJE ]
© 2007–2009, Tormod Kinnes. [E-POST] — Ansvarsfråskriving: [LENKJE]