Maharishi Mahesh Yogi

Maharishi Mahesh sine likande idear

Frå einebuar til kjendis og lærar for The Beatles

Maharishi (1917?-2008).

HAN VI kallar Maharishi, 'store sjåar' eller 'store vismann', var ein av dei fremste meditasjonsformidlarane i verda til no. Han blei truleg født den 12. januar 1918. Somme kjelder har 1917. Den 11. januar 2008 kunngjorde han frå Nederland: "Arbeidet mitt er gjort." Derifrå snakka han ikkje meir, til han døydde den 5. februar mens han sov.

Under namnet Mahesh Prasad Varma blei han elev av Shankaracharya Brahmananda Saraswati, som blir kalla Guru Dev (guddommelege lærar) i TM-samanheng. Maharishi slutta seg til han etter å ha gjort ferdig masterstudiet sitt i fysikk ved universitetet i Allahabad i 1940. Like før Guru Dev døydde i 1953, skal han ha kalla Mahesh til seg og sagt:

Det eg har lært deg, inneheld også kunnskapen om teknikken for familieforsørgjaren. Den har blitt mistolka og gløymd over hundreåra.

Bekymre deg ikkje, og ver ikkje redd for å vere aleine eller for noko som helst. Ta til å arbeide og alt vil gå av seg sjølv.

Seinare, i 1959, reiste Mahesh Varma som Maharishi Mahesh Yogi til Vesten og lærte ut ein svært enkel og behageleg måte å meditere på. The Beatles, Beach Boys, Donovan Leich, Mick Jagger, Mike Love frå Beach Boys og mange andre kjente artistar lét seg innvie. Det var på 1960-talet. Då kom også dei første bøkene av Maharishi om metoden [Lotm].

Maharishi står som forfattar av minst fjorten bøker. Mellom dei er The Science of Being and the Art of Living og Maharishi Mahesh Yogi on the Bhagavad-Gita.

"Skyldig" i ei kjærleg omfamning?

Maharishi

The Beatles og nokre utvalde venner, mellom andre Donovan Leich og Mike Love, vitja Maharish Mahesh Yogi i India tidleg i 1968. Der studerte dei TM (Transcendental Meditasjon). Då blei det sett ut eit dårleg rykte om at Maharishi skulle ha gjort seksuelle tilnærmingar til skodespelaren Mia Farrow (1945-) - han la armane om henne ved eit høve, og det kunne ho saktens trengje, slik ho hadde det, skriv ho i ettertid.

The Beatles drog heim att til England derifrå av ulike grunnar; John Lennon og George Harrison etter å ha hørt om dei påståtte tilnærmingane. I ettertid orsaka Lennon over telefon for å ha sverta Maharishi offentleg ut frå rykte, og førstekona hans, Paul McCartney, og Harrison seier det hende ingenting gale. Men skuldingane mot Maharishi gjorde stor skade.

Maharishi hadde gitt Mia ein klem, kan vi vel seie. Kva ho og andre og han la i det, viste seg å vere forskjellig. Det heiter også at ein mann som heitte Alex Mardis, som Lennon før hadde villa ha som guru for The Beatles, skal ha sett i gang ryktet om usømmeleg åtferd for å sverte Maharishi. Desse tinga kjem fram i Paul McCartneys biografi Many years from now (Mange år frå no) frå 1998, og i fråsegner frå to andre beatlar. Leis meir: [Wikipedia, s.v. "Maharishi Mahesh Yogi"]

• Ein treng ikkje tru blindt alt galt ein hører . . .

TM-metoden

Vi kan lausleg kalle begynnarmetoden for trening i å "gli innover" i avsette periodar kvart døger, kanskje to gonger daglig. Metoden hjelper helsa på mange vis, syner forsking. Somme sider ved dette er godt dokumenterte.

Praktisering av metoden hjelper utdanning og læring når ein veit å avpasse. Ein gjer normalt klokt i ikkje å streve heller når ein mediterer. Mykje godt kjem av seg sjølv.

Metoden tillèt andre flotte tiltak i samgang med seg. Den tillèt anna sjølvhjelp innan rekreasjon, til dømes ved enkle og trygge yoga-stillingar. Slikt supplement fanst alt på slutten av sekstitalet.

Seinare har Maharishi fokusert på at verda treng harmoni, og har lagt fram prinsipp for somt innan byggekunst, politikk og helsestell. Han står også for at når mange mediterer godt, spreier harmoni seg frå det til gagn for andre, ja, heile samfunnet.

Det er tillate å tvile ljuvleg. Det ser ein av at Maharishi gjekk inn for mykje forsking på TM-metoden. Det ligg no føre over 600 studiar og forskingsrapportar over TM. Dei er frå over to hundre uavhengige institusjonar i trettifem land, og spenner over førti år. Og funn har blitt publisert i eit hundretal journalar, mellom anna Scientific American, Business and Health, Science, og Journal of the American Medical Association (JAMA). Forsking syner metoden verkar - for eksempel at den kan førebyggje sjukdom og fremme helse.

Til temaet "Det er lov å tvile litt": Forsking er jo basert på det ein kan kalle kunnig tviling og skepsis som blir kontant, metodisk og sikkert gjennomført (også kalla hypotesetestingar) i tråd med vitskapelege skikkar.

Kjernemetodane i TM blir heller ikkje tekne som fiendtlege av mange personar i mange religionar. Koji Oshima, ein buddhistmunk frå Japan, har til dømes fremma TM på Sri Lanka og i Thailand sia 2003. Rundt 3100 buddhistmunkar har lært Transcendental Meditasjon i over 100 tempel i dei to landa som følgje.

På den andre sida finst ein og annan aggressiv fiende blant fanatikarar innan kristendommen, ser ein også. Evangelisten Billy Graham er kjend for tull som dette: "Transcendental meditation is evil because when you are meditating, it opens space within you for the devil to enter." (TM er av det vonde, for når du mediterer, opnar det opp rom i deg som fanden kan komme inn gjennom)."

Det er vel snarare den skrudde dogmatismen hans - gold skit - som er av det vonde. Påståelege forfalskarar som slynger ut vas og dominerer ved blind tru, skulle ein vite å halde seg borte frå. Graham-tilfellet gir vink om at kjennskap til skikkelig ferd er mykje verdt. Det må vere langt betre å slå fast at "Farleg dogmatiske fanatikarar som blir opphøga og kalla evangelistar og anna, er av det vonde der dei skor seg på blind, dogmatisk tru. Det er mange einspora fanatikarar i verda, men klokt utvikla er dei neppe."

Vel, ein treng heller ikkje bli ein av dei. Forsking gir grunnlag for eigne avgjerder. Her er nokre oversyn over resultat av TM å hyggje seg med:

• What Research Says (about TM)
• Frå TM-forskinga - norsk oversyn

Litteratur  

Lotm: Mahesh, Maharishi Livskunst og transcendental meditasjon.Ny utg. Oslo: Miki, 1979.

Mm: Roth, Robert. Maharishi Mahesh Yogis TM: Transcendental Meditasjon.Rev. utg. Mesnali: MIKI, 1998. - Svært god bok om TM. Finst på Nettet på engelsk (lenkje nedafor). - Kjekt TM-oversyn [På engelsk, on-line.].

NOKRE VEV-ADRESSER

Takk