Fablar av Esop og andre
| 13 › 1 › 18 |
 |
 |
 |
 |
 |
 |
 |
 |
Bonden og ørna
EIN BONDE fann ei ørn i ei felle, og fordi mannen sette pris på sjeldne og store fuglar, sleppte han den fri. Ørna synte takksemd, for ein gong den fekk sjå at bonden sat under eit murheng som var ikkje trygg, flaug han mot bonden og snappa ein bunt hår av han med klørne. Då bonden reiste seg og sprang etter ørna, sleppte ho hårbunten. Mannen tok den opp og vendte attende til der han hadde sete. Då såg han at muren han hadde sete under, hadde ramla saman, og han undra seg storleg over korleis ørna hadde berga livet hans til gjengjeld.Bergfurua og bjørka
BERGFURUA gjorde narr av bjørka fordi bergfurua stod grøn året rundt, mens lauvverket til bjørka endra seg med årstidene. Så blei det snøvêr. Snøen lava ned sette seg på og braut ned greinene til furutreet med tyngda si. Då var ikkje bergfurua så pen lenger, og ei tid etter døde den av den harde medfarten.Men snøen gjorde ingen skade på bjørketreet, for det stod utan lauv, så snøen fall mellom greinene og ned på bakken utan å bli til skade.
♦ Folk er forskjellige.
Høna og gullegga
EIN BONDE og kona hans hadde ei høne som la eit gullegg kvar dag. De meinte høna måtte ha ein gullklump inni seg, og slakta høna for å få tak i den. Men då såg dei at høna var presis som andre høner innvendig. Det gramsande paret som hadde venta å bli rike på ein blunk, hadde røva ifrå seg den sikre, daglege vinsten sin.♦ Å gripe inn utan kunnskap i vinst-prosessen kan føre galt av stad.
Kvinna og høna hennar
EI KVINNE hadde ei høne som varp eit egg om dagen. Kvinna funderte ofte på korleis ho skulle få høna til å legge to egg om dagen i staden for eitt, og til sist bestemte ho seg for å gi den dobbelt så mykje bygg. Frå den dagen blei høna feit og fin, men la ikkje egg meir.♦ Uventa vanskar rammar glatt den urøynde.*
To froskar
TO FROSKAR budde i same dam. Då dammen tørket opp i sommarvarmen, forlot dei den og gav seg i veg saman for å finne ein ny heim. Mens dei gjekk av stad fann dei ein djup brønn som var rikeleg forsynt med vatn. Då dei såg det, sa den eine frosken, "La oss klive ned og slå oss til i denne brønnen. Den kan gi både le og mat til oss."Den andre frosken svara med stor aktsemd, "Sett om vatnet svikter oss. Korleis kjem vi oss då ut av den når den er så djup?"
♦ Mykje kan bli surt om ein ikkje i forkant prøver å finne fram til mogelege følgjer.
Litteratur
 |
 |
 |
 |
BRUK. Brukargaiden femner over forkortingar, bøker ordna etter forfattarar og bokstavkodar, ordbøker, design og navigering på nettstaden, søkjeråd, og tilvisingar. [LENKJE]
ANSVAR UT (ansvarsfråskriving) til gagn for oss: [LENKJE]
© 2000–2007, Tormod Kinnes. [E-POST]