Rechung

Tibetanaren Rechung Dorje Drakpa (ca. 1084–1161) er også kjend som Rechungpa (Ras-chung-pa). Dorje Drak tyder "Torebrak-herlegdom" og "lynnedslag-herlegdom". Rechung blei ein av dei to mest vidgjetne av elevane til Himalaya-yogien Milarepa i kagyu-linja, og er ein av patriarkane i linja. Den andre vidgjetne eleven til Milarepa var Gampopa.

Milarepa og Rechungpa var repaar (ras-paar). Raspa tyder bokstaveleg "bomullskledd". Raspaar vigde seg til meditasjon og ikkje skriftlærdom. Dei eigde minimalt og budde i hòler og hytter, og gledde seg om dei fekk eit og anna å leve av frå landsbyfolk.

Rechung reiste til India tre gongar. Derifrå kom han heim med fleirfaldige tekstar til kagyu-linja si. Milarepa hadde sendt han etter skrifter som guruen til Milarepa, Marpa Omsettar, ikkje hadde klart å skaffe derifrå sjølv, enda han hadde vore i India tre gongar, og mange år samanhengande.

Ut frå materiale som er tilgjengeleg i vår tid, går det fram at Rechung var hovudeleven til Mirarepa; den som fekk føre linja vidare. Milarepa gav heile læra si til han.